Ümgang mit Affall

Se schnackt vun Affall – wi vertellt wat wi dorvun mookt!

Wo ok jümmer dat goot un richtig is, geevt wi uns gröttste Möh, mööglichst veel ut den Affall to moken. Dorför hebbt wi in de Buhck Grupp verscheden Anlogen för´t Uteneenpulen vun den Affall.


Anlogen för dat Uteneenpulen vun Buuaffall un Buuaffallopbereiden

Dörch Maschienen köönt wi groten un lütten Buuaffall trennen. Gröttere Deele warrt oplest in een Kabien mit de Hannen sorteert. Holt, Metall un anner Soken koomt op den direkten Weg mit no annere Bedrieve, de dor op spezialiseert sünd. Allens annere, wat nich mineroolsch is, warrt för Ersatzbrennstoff bruukt. Buuaffall, Tegel un Steens loopt dörch uns Receycling-Anloog un warrt as RC-Buustoff wedder bruukt un dat mit een Güte-Överwachung.


Anlogen för dat Trechtmoken vun Ersatzbrennstoff (RDF)

Mit groten Opwand köönt wi bi´t Sorteern un Opbereiden een ganzen Barg Soken ut dat, wat so bi uns ankümmt, rutfinnen. So köönt wi bi´t Trechtmoken vun Ersatzbrennstoff (RDF) op beste Oort den Affall vun uns Kunnen bruken un dorbi de primären Energiedräger schonen. In verscheden Arbeitsschreed warrt de Affall lütt mookt. Dennso warrt dat, wat nich to bruken is, utsorteert un oplest warrt dat, wat no bleven is, op weniger as 50 mm Grötte bröcht. No düssen langen Weg vun´t Opbereiden kann dat, wat no bleven is, licht transporteert un as hoogweertig Brennstoff insett warrn.

Afsehn vun dat, wat wi jüst vertellt hebbt, hebbt wi ok noch egen Sorteeranlogen för Verpackungssoken, een Bodden-Behandlungsanloog, un verscheden Holtopbereidungsanlogen, een Anloog för dat Opbereiden vun Dackpapp un Anlogen för dat Komposteern vun Gröönaffall. Een Komposteeranloog is as Vergärungsanloog utbuut worrn, dor köönt wi nu ok, neven de Kompostsoken, Biogas för Strom un Warms rutkriegen.