Bedrief vun Sorteeranlogen

Recycling un dat wat ut Affall warrn kann, is dat, wat uns Arbeit utmookt. Dorför hebbt wi fief egen Anlogen för´t Uteneenpulen vun de verscheden Affalloorden, so as för Buuaffall oder ok Gewerbeaffall.

Een vun düsse Anlogen is uns „Bestsort“ in Hamborg. Hier warrt för den Klimaschutz sorteert. Ut een ganzen Barg Gewerbeaffall warrt verscheden Soken rutsöcht, de recyclet warrn köönt. De „Bestsort“ gifft dat vun 2006 an. Bit to 120.000 Tünnen Gewerbeaffall warrt hier jedeen Johr sorteert. So koomt dor Kunststoff, Papeer un Metall för Dag, de noch bruukt warrn köönt.

Ut den Rest vun´t Sorteern warrt denn noch allerbesten Brennstoff mookt. Dörch den Mix vun stofflich un energetisch Opbereiden kunn „Bestsort“ in dat Johr 2012 de Emission üm 90.000 Tünnen Kohlendioxid trüchfohren un so `n ganzen Barg för den Klimaschutz doon. As zertifizeerten Affallbedrief is se ok bi „Ökoprofit“ („Ökologisches Projekt für Integrierte Umwelttechnik“) mit dorbi. Dat steiht ünner de Schirmherrschop vun de Stadt Hamborg un kümmert sik dorüm, dat Ümweltprojekten wat billger ümsett warrt.


Hölp un Stütt bi den Bedrief vun Sorteeranlogen

Mit uns „Know-how“ köönt wi ok Se hölpen. Geern geevt wi Se Stütt bi den Bedrief vun eegen Sorteeranlogen. Wo ok jümmers! Uns Fachlüüd köönt as Interims-Management ok bi Se dorbi ween.

Wi verstoht uns Hölp nich blots as Hölp vun den Schrievdisch ut. Tosomen mit Se schnackt wi över dat, wat is un kiekt dorno ut, wat för de Anloog in Ehrn Bedrief dat Beste is. Dor hölpt uns de grote Erfohrung, de wi mit den Bedrief vun Sorteeranlogen hebbt. Wi kiekt over ok dor op, wat in Ehr Situatschoon dat Richtige is. Dat gifft verscheden Gesettgrundlogen un för dat, wat sorteert warrn schall, kann dat jümmers wat anneres ween - op all dat kiekt wi nipp un nau. Uns Lüüd hebbt veel Erfohrung un köönt dorbi ween, wenn´t bi Se losgeiht.