Över de Buhck Grupp

De Buhck-Grupp

De Buhck-Grupp is en vun de gröttsten Ümweltbedrief in Norddüütschland.  Över 100 Johr steiht uns Familie dorför in, un wi föhlt uns dor tohuus, wo uns Bedrief is.

De enkelten Bedriefsafdelen sünd op all Rebeden vun de Ümwelt in de Gang un arbeidt fix tohoop. Dat mookt uns so stark.


_MG_6509

Uns is kloor, dat wi uns Steed an de Spitz blots denn holen köönt, wenn wi jümmers doröver nodinkt un dorför arbeidt, dat wi dat Beste för uns Kunnen un Partners trechtkriegt. Dorvun profiteert uns Kunnen, of dat nu in de Industrie, in de Weertschop, in de Kommunen oder ok op dat privote Rebeet is.

Üm un bi 75 Perzent vun uns Ümsatz, de meist 100 Millionen Euro hett, mookt de Buhck-Grupp mit Affall un dat wat dor ut warrn kann, mit Affall-Containers un mit den Bedrief vun Affall-Loger. 20 Perzent goht op Rohr oder Kanalisatschoonsarbeiden trüch un 5 Perzent kümmt ut dat Rebeet vun Buu- un Brennstoff.

För all dat, wat wi doot, hebbt wi fief Anlogen för`t Uteneenpulen vun den Affall, dree groote Anlogen, wo Kompost mookt warrt, dree Affall-Loger un meistto 120 Lastwogens.

op uns is Verloot – wi weet Bescheed – mit uns köönt Se schnacken

Dorför steiht de Buhck-Grupp un de Familie Buhck mit ehr üm un bi 600 Lüüd an twölf Steden al över 100 Johr.

De Noom Buhck steiht för Ümwelt-Arbeit „made in Germany“ - Lehrt Se uns eenfach mol kennen!